मिसळपाव डॉट कॉम वरील “प्रबळ सौंदर्य” ह्या श्री.सौरभ उपासनी ह्यांच्या लेखातील ही प्रकाशचित्रे, इथे त्यांच्याच अनुमतीने पुन्हा प्रकाशित करत आहे. असे, संवेदना-ग्राहकांपासून तर थेट शेपटापर्यंत, नखशिखांत सर्व अवयवांचे यथास्थित दर्शन करवणारे, गोगलगायीचे प्रकाशचित्र तर मी आजवर पाहिलेलेच नव्हते.
प्रबळ सौंदर्य हा लेख मला आवडला. त्यातील प्रकाशचित्रे तर बेहद्द आवडली. त्यांच्या संबंधात ते म्हणतात “खरतर फोटोग्राफीची आवड जपताना ट्रेकिंगची आवड कधी लागली ते कळलच नाही!” म्हणजे मुळात ते कलाकारच आहेत. सृष्टीकडे पाहण्याची त्यांना उपजत दृष्टी आहे. त्यामुळेच त्यांची प्रकाशचित्रे एकाहून एक सरस आहेत.
प्रबळगडावरून कलावंतीणीच्या बुरूजाचे त्यांनी काढलेले फोटोही त्यामुळेच अत्यंत प्रदर्शनीय असणार ह्यात शंका नाही. तेही आम्हाला पाहायला मिळोत ही प्रार्थना!
