२०१३०८०३

क्रोशाची कप-बशी




चहा घ्या, चहा घ्या,
चहा सौख्यकारी ।
चहा प्राशिताची,
मना ये उभारी ॥

अशी ख्याती असलेला चहा आपण रोजच पीत असतो.

मात्र “बोलाचीच कढी आणि बोलाचाच भात” असावा त्याप्रमाणे,
केवळ नजरेला दृश्यमान होणार्‍या कप-बशीतील चहा नजरेनेच प्राशन करावा, ह्या उद्देशाने,

सुबक, देखणी, नयनमनोहर, कपबशी विणली छान ।
क्रोशाची ती कलाकुसर, वर‌ दोर्‍यांची नक्षी महान ॥
शुभ्र, गुलाबी, रंग विखुरते, कलेस अंत न पार ।
कडा उठून त्या बशीही सजली, कपास डौल अपार ॥

अशा प्रकारची अद्‍भूत कपबशी विणली आहे मायबोली डॉट कॉम वरील व्यक्तीरेखा ’अवल’ उपाख्य आरती खोपकर ह्यांनी. कपबशीचे प्रकाशचित्र इथे पुन्हा प्रकाशित करण्यास अनुमती दिली, एवढेच नव्हे तर त्याकरता वेगळ्याने कष्ट घेऊन सुरेख प्रकाशचित्र उपलब्ध करून दिले म्हणून त्यांना मनःपूर्वक धन्यवाद. मला जसे हे सृजन आवडले, तसेच तुम्हालाही नक्कीच आवडेल!
.

कोणत्याही टिप्पण्‍या नाहीत: