वल्लरी

घनगड- तेलबैला- वाघजाई घाट- ठाणाळे लेणी- सुधागड ह्या मायबोली डॉट कॉम वरील एका लेखात श्री. हेमंत पोखरणकर ह्यांनी एका सुंदर ट्रेकची माहिती सचित्र दिलेली आहे. त्यातीलच हे एक प्रकाशचित्र, त्यांच्याच अनुमतीने इथे पुन्हा प्रकाशित करत आहे. अनुमतीखातर त्यांना मनःपूर्वक धन्यवाद.

मात्र ह्यावरून, प्रणव सदाशिव काळे ह्यांच्या “कुठे म्हणालो परी असावी” ह्या गझलेतील एक शेर आठवला. तो शेर, “तरूस आधार होत जावी, अशी कुणी वल्लरी असावी “ असा आहे. तरूला आधार देऊ शकेल असा वेल, वल्लरी. ह्या प्रकाशचित्रात तशाच वर्णनाची; पण सशक्त, स्वावलंबी वल्लरी आपण पाहू शकतो. तिच्या अंगातील पीळ कुठल्याही वेलीच्या सौष्ठवाचे एक अलौकिक उदाहरण म्हणता येईल असा सृजनाचा नमुना आहे.

श्री. हेमंत पोखरणकर ह्यांच्या अशाच अनेक रोमहर्षक पदभ्रमणांची सुरस वर्णने तुम्हाला त्यांच्या “हेमंत” ह्या अनुदिनीवरही वाचायला मिळतील. ती वर्णने मला जशी आवडली आहेत, तशीच तुम्हालाही आवडतील असा विश्वास वाटतो.
.