पावसाळ्याच्या आसपास डोंगर-उतारावर उभ्या असलेल्या माणसाच्या पाठीमागून सूर्यकिरणे येत असतील आणि समोरच्या उतारावर धुक्याचे वातावरण असेल तर त्या धुक्यात माणसाला संपूर्ण वर्तुळाकृती इंद्रधनुष्य दिसू लागते. ह्यालाच इंद्रवज्र म्हणतात. ह्या वर्तुळाच्या मध्यावर (केंद्रस्थानी) दिसते पाहत असणार्‍याचीच सावली. पाहणार्‍याने हात हलवले, तर ती सावलीही हात हलवत असते. हरिश्चंद्रगडावरून अनेकांनी, अनेकदा इंद्रवज्र पाहिलेले आहे.
असेच इंद्रवज्र सुमारे दोन वर्षांपूर्वी मायबोली डॉट कॉम वरील व्यक्तिरेखा ’हर्पेन’ म्हणजेच हर्षद पेंडसे ह्यांनी तोरण्यावर पाहिले. त्यांनीच काढलेले हे प्रकाशचित्र, त्यांच्याच अनुमतीने इथे पुन्हा प्रकाशित करत आहे. अनुमतीखातर त्यांना अनेक धन्यवाद.
निसर्गाचा हा मनोहर आविष्कार त्यांना पाहता आला, एवढेच नव्हे तर प्रकाशचित्रात बंदिस्त करता आला हे त्यांचे सद्भाग्यच. मायबोली डॉट कॉमवर त्यांनी लिहिलेले मूळ लेख खालील दुव्यांवर पाहता येतील. ह्यासोबतच त्यांच्या सर्व सृजनात्मक प्रकल्पांना तसेच साहसी पदभ्रमणांना हार्दिक शुभेच्छा!
इंद्रवज्र
.
तोरणा - किल्ला, रानफुलं, इंद्रवज्र, वगैरे....
.
मेळघाट-१०० दिवसांची शाळा डिसेंबर २०११ ते मार्च २०१२
.
निवेदन-१०० दिवसांची शाळा - मेळघाटात स्वयंसेवक हवेत
.
कोणत्याही टिप्पण्‍या नाहीत:
टिप्पणी पोस्ट करा